Од денеска до 16 јули во Скопје ќе се играат натпреварите во Б дивизијата на ЕП за младинци, односно кошаркари до 20 години.
Македонската репрезентација своите средби ќе ги игра во СЦ Кале, а сите се во терминот од 18:30 часот.
Репрезентациите се поделени во четири групи од кои двете првопласирани ќе обезбедат пласман во четвртфиналето.
Македонија ќе игра во А групата, а во првото коло противник е селекцијата на Чешка.
Утре (в сабота) ќе следи натпреварот со Словачка, а по двата слободни дена во вторник и среда на програмата се натпреварите против младинците од Бугарија и Ирска.
Пласман во А дивизија ќе обезбедат освојувачите на медали (1, 2 и 3 место).
Натпреварите на нашите младинци можете да ги гледате во ЖИВО ОВДЕ
