Машката кадетска кошаркарска репрезентација на Македонија го заврши првиот дел од Европското првенство со пораз од Украина со 84:70. Нашите млади кошаркари со овој резултат го зазедоа четвртото место во групата Б на шампионатот од Б дивизијата.
Противникот замина на пауза со предност од седум поени, водејќи со 46:39 по изедначеното прво полувреме. Клучниот пад во играта се случи во третиот период, кој Украинците го добија со убедливи 24:10. Сепак, македонските кадети покажаа карактер и во последната четвртина направија серија од 17:4. Нашата селекција намали на само осум поени негатива, но немаше сили за целосен пресврт.
Дион Шабани беше прво име кај Македонија, остварувајќи забележителен дабл-дабл учинок од 21 поен и 11 скока. Илија Коневски ги истакна своите квалитети со 16 поени, седум скока и две асистенции. Идентични 16 поени запиша и Михаил Анѓеловски, кој додаде уште четири асистенции за националниот тим.
По денот за одмор, нашата кадетска репрезентација во Скопје, ќе ги продолжи настапите за пласман од 9 до 16 место. Можни противници се: а Ирска, Словачка или Црна Гора, во зависност од конечниот пласман во групите.
