Лина Ѓорческа доживеа пораз во осминафиналето на ИТФ турнирот во Истанбул по голема борба во три сета. Најдобрата македонска тенисерка загуби од претставничката на Кипар, Ралука Шербан, со резултат 2-1 во сетови.
Мечот од турнирот од серијата W50 траеше точно два часа и донесе целосен пресврт во салата.
Ѓорческа тргна фуриозно и го освои првиот сет со импресивни 6-0, без загубен гем. Сепак, Шербан брзо одговори во продолжението и возврати речиси идентично, добивајќи го вториот сет со 6-1. Решавачкиот трет сет донесе најголема неизвесност на теренот. Противничката поведе со 5-2 во гемови, но Лина покажа карактер и намали на 5-4. За жал, македонската репрезентативка немаше сили за целосен камбек и Шербан го затвори мечот.
Ова беше осми меѓусебен дуел меѓу овие ривалки, а вкупниот скор сега е израмнет на 4-4. Следен предизвик за нашата тенисерка ќе биде настапот на ИТФ турнирот во Ираклион.
