Поради повреда на скочниот зглоб, контроверзниот австралиски тенисер Ник Киријос нема да игра на Вимблдон.
Информацијата ја пренесе организаторот на турнирот, по изјавата на самиот тенисерот.
„Многу сум тажен што морам да се повлечам од Вимблдон оваа година. За време на моето враќање на теренот почувствував болка во зглобот. Се обидов да направам се за да бидам подготвен да играм и многу сум разочаран што немав повеќе време претходно Вимблдон. Но, ќе се вратам, како и секогаш“, изјави Австралиецот.
Веќе подолг период „лошото момче“ е далеку од посакуваната форма, па на денешната АТП ранг листа е на 33-тото место, но повеќе од сигурно дека на следното рангирање по завршувањето на Гренд-слемот во Лондон, Киријос ќе има пад на листата.
