Селекторот Кирил Лазаров го објави скратениот списокот на ракометари за стартот на квалификациите за Европското првенство 2028-ма. Македонската ракометна репрезентација ги започнува битките за континенталниот собир против Луксембург и Грција.
Од претходните 35 ракометари, Лазаров го скрати списокот на 18-мина, а на него има и седуммина резервни.
Повратник во репрезентативниот дрес е Мартин Серафимов од редовите на Еурофарм Пелистер. Искусниот кружен напаѓач Жарко Пешевски овој пат не се најде на селекторскиот список. Повредите ги спречија Ненад Костески и Иван Џонов да му помогнат на тимот.
На списокот има уште седум резерви кои чекаат шанса при евентуални неочекувани откажувања. Меѓу овие имиња се наоѓаат искусниот голман Никола Митревски и бекот Павле Атанасијевиќ.
Собирот е закажан за 2 ноември во хотелот Александар Палас во Скопје.
Првиот натпревар против Луксембург се игра на 4 ноември пред домашната публика. Четири дена подоцна следи тешко и исклучително важно гостување кај мотивираната грчка селекција.
