На три трки до крајот на сезоната се разжештува битката за шампионскиот трофеј во Мото ГП првенството.
Ова откако утринава Шпанецот, Алекс Маркез (Дукати-Гресини) победи на спринтот пред утрешното ГП на Малезија.
Маркез заврши прв пред сонародникот Хорхе Мартин од Дукати-Прамак, кој ја намали разликата во однос на Франческо Бањаја кој како трет ја мина целната рамнина.
Сега разликата меѓу Мартин и Италијанецот е само 11 поени во корист на актуелниот светски првак Бањаја.
Токму тој утре ќе ја има пол-позицијата, а веднаш зад него во првиот ред ќе бидат Мартин и Бастианини.
Стартот на трката за големата награда на Малезија е во 8 часот.
