Одбојкарската репрезентација на Полска за прв пат ја освои Светската лига на нации.
Во финалето Полјаците пред домашната публика во Гдањск пред 10.620 гледачи ја победија репрезентацијата на САД со 3:1.
Во првите два сета се водеше голема борба. Првиот им припадна на домаќините со 25-23, а вториот го добија Американците на разлика со 26-24.
Во третиот и четвртиот сет, Американците беа надиграни во секој сегмент. Полјаците едноставно доминираа, го добија третиот и четвртиот сер со идентични (25-18).
Така полските одбојкари за прв пат го освоија пехарот наменет за најдобрите во Светската лига на нации. Претходно два пати беа бронзени (2019 Чикаго и 2022 Болоња), а сребро освоија во Римини пред две години.
Американците и по своето трето финале остануваат без злато,. За нив ова е трет сребрен медал (2019 Чикаго и 2022 Болоња), додека во Лил 2018-та освоија бронза.
Годинава бронзата им припадна на Јапонците кои во дуелот за 3.место со 3:2 ја победија Италија.
Така во Скопје на Европското првенство ќе ја гледаме најдобрата селекција од Светската лига на нации, Полска.
Македонските одбојкари против Полјаците ќе играат на 3 септември.
POLAND 🇵🇱 2023 VNL CHAMPIONS 🏆!
🇵🇱 #VNLFinals #Volleyball #VNL #gangłysego #VNL2023 pic.twitter.com/Za2sWAhbhw
— Volleyball World (@volleyballworld) July 23, 2023
