Фудбалската репрезентација на Македонија се собира во Скопје, Гоце Седлоски денеска ја направи првата прозивка

Македонската фудбалска репрезентација ја чекаат последните два натпревари во УЕФА Лигата на нациите. Селекторот Гоце Седлоски денеска ја направи првата прозивка на 26-те фудбалерите кои се најдоа на неговиот список.

Со попладневниот собир во Скопје, националниот тим официјално ги започнува подготовките за ноемвриските дуели против Шкотска и Словенија. Црвено-жолтите во претходните четири кола од Б-сегментот претрпеа четири порази, без ниту еден постигнат гол и со десет примени погодоци.

Повратници во тимот се: Дарко Чурлинов, Никола Серафимов, Имран Фетаи и Стефан Деспотовски. Меѓу повиканите во нападот е вклучен и Марко Ѓорѓиевски од тетовска Шкендија. За овие две средби Седлоски одлучи да ги изостави напаѓачот Бојан Миовски и досега стандардниот дефанзивец Ѓоко Зајков.

Шансите за опстанок во втората квалитативна дивизија се сведени само на теорија, но селекторот најави максимално залагање и агресивна игра. Од фудбалерите се очекува храбар пристап за конечно да се постигне погодок и да се поправи, колку толку, лошиот впечатокот.

Првиот натпревар Македонија го игра на гостински терен против Шкотска во петок на 13 ноември од 20:45 часот. Настапот во ова издание на натпреварувањето завршува на 16 ноември во Скопје, кога на арената „Тодор Проески“ гостува Словенија.