Шест натпревари е денешната понуда во машката ракометна Супер лига.
На распоредот се натпреварите од петтото коло.
Откако вчера Вардар и Алкалоид си ја завршија работата и стигнаа до петата победа во исто толку одиграни натпревар, денеска на ред е Тиквеш.
Кавадарчани пред својата публика ќе се обидат да останат максимални, но задачата нема да биде лесна. Тиквеш за противник го има амбициозниот Охрид.
Охриѓани имаа свои „математики“ и сигурно дека на овој меч нема да патуваат со бело знаме, напротив.
„Нè очекува натпревар со Тиквеш во Кавадарци кој ќе биде од големо значење за двете екипи.
Знаеме како е да се игра таму.
Со добра подготовка и максимално залагање од сите играчи очекувам дека ние ќе бидеме тие на крајот на натпреварот што ќе се радуваат“,
вели искусниот ракометар на Охрид, Милорад Кукоски.
Дербито во салата „Јасмин“ во Кавадарци ќе почне во терминот од 19 часот, а може да го следите низ директен пренос на МРТ3 или овде.
РАКОМЕТ (МАЖИ ) СУПЕР ЛИГА – 5.КОЛО
| А ГРУПА петок АЛКАЛОИД – СТРУГА 38-18 сабота 13:00 Е. ПЕЛИСТЕР 2 – АЕРОДРОМ 15:00 СКОПЈЕ – КУМАНОВО 19:00 ТИКВЕШ – ГРК ОХРИД | Б ГРУПА петок ВАРДАР 1961 – ВАРДАР НЕГОТИНО 35-19 сабота 17:00 МУЛТИ ЕСЕНС – ПРИЛЕП 17:00 Е. ПЕЛИСТЕР – БУТЕЛ СКОПЈЕ 17:00 ГОЛДЕН АРТ – ПРОЛЕТ |
| ТАБЕЛА Бодови 1 АЛКАЛОИД 15 2 ТИКВЕШ 12 3 ОХРИД 9 4 СТРУГА 6 5 АЕРОДРОМ 6 6 Е. ПЕЛИСТЕР 2 3 7 КУМАНОВО 0 8 СКОПЈЕ 2020 0 | ТАБЕЛА Бодови 1 ВАРДАР 15 2 Е. ПЕЛИСТЕР 9 3 ПРОЛЕТ 9 4 БУТЕЛ СКОПЈЕ 6 5 ПРИЛЕП 6 6 ГОЛДЕН АРТ 6 7 ВАРДАР Н. 0 8 МУЛТИ ЕСЕНС 0 |
