Машката одбојкарска репрезентација на Македонија е на пат кон Атина. Таму црвено-жолтите ќе го играат претпоследниот меч во квалификациите за Европското првенство 2026-та.
По речиси едно месечни подготовки, четири одиграни контролни натпревари, македонските одбојкари сега ќе излезат на „мегдан“ против Грците.
Целта е јасна победа над, победа во овој меч против Грција која важи за фаворит, а со три победи и само еден загубен сет е прва во нашата група. Противникот би го задржал првото место на табелата и со пораз од Макеоднија, но под услов да добие два сета.
На Македонија и треба најмалку еден бод од ова гостување за да го потврди пласманот меѓу петте најдобри селекции од сите квалификациски групи.
Селекторот Миленкоски и капитенот Ѓоргиев веруваат дека оваа генерација е способна за уште едно учество на континенталниот собир.
Како ќе изгледа сето тоа ќе видиме во натпреварот што ќе се игра утре од 19 часот.
Следете нé на социјалните мрежи
ФОТО: ФБ Одбојкарска федерација / Роберт Спасовски
