Македонија со деветто учество на Светско ракометно првенство

Машката ракометна репрезентација на Македонија по 9-ти пат е дел од ракометниот мундијал. Нашата репрезентација е една од 32-те учеснички на 29-тото Светско првенство што ќе се игра во Хрватска, Данска и Норвешка.

Македонија низ историјата на Светските првенства 

Македонија првото учество го имаше во 1999 година во Египет кога селекцијата предводена од Пепи Манасков го забележа првото учество на ракометен мундијал. Десет години потоа во Хрватска (Вараждин, Задар и загреб) Македонија го освои 11-то место со три победи во групната фаза, а потоа и во дуелот за пласман против Јужна Кореја.

Следниот настап Македонија го имаше 2013 година во Шпанија, кога се пласиравме на 14.то место, за две години подоцна 2015 година во Катар да биде забележан и најдобриот пласман – 9.место. На првенствата 2017 и 2019 година Македонија го освојуваше 15.то место, за потоа на последните две првенства да бидат освоени 23.место (2021 во Египет) и 27.место (2023 Полска и Шведска).

Македонија по вторпат на Светско првенство настапите од првата фаза ќе ги игра во Вараждин. Првиот настап беше успешен, а секако голема помош македонските ракометари имаа и од помошта од трибините. Секако за очекување е така да биде и во следните денови, особено најавите се дека околу 1000 македонски навивачи ќе бидат дел од публиката во Вараждин Арена.

Противници на Македонија во првата фаза на Мундијалот

Македонија во група се наоѓа со репрезентациите на Унгарија, Холандија и Гвинеја.

Унгарија го игра 23.то Светско првенство, а последните години немаше настап единствено на шампионатот 2015 година во Катар. Тоа е репрезентација која е постојано во европскиот и светски врв, но без завршен чекор и освоен медал на последните шампионати.

Холандија го игра 3.то Светско првенство. Првиот настап го имаа во 1961 година, а на последниот мундијал беа пласирани на 14.то место, но оваа репрезентација е селекција која е во подем.

Гвинеја е дебитант на светските првенства. Оваа репрезентација како петтопласирана од африканскиот шампионат избори место на првенството, а во дуелот за петтата позиција го победија Конго (29:26).

РАКОМЕТ | МАКЕДОНИЈА НА СП 2025

Распоред и саатница во групата на Македонија 

Според распоредот Македонија во првото коло на 15.јануари (среда) игра против Унгарија со почеток во 20:30 часот. Втор противник е селекцијата на Холандија во петок (17 јануари) со почеток во 18 часот. Во истиот термин во недела (19.јануари) во 3.коло, а противник ни е селекцијата на Гвинеја.

Трите првопласирани репрезентации од групата продолжуваат во Главната фаза (натпреварите се играат во Вараждин). Четвртопласираната селекција ќе игра во „Президент купот“ (натпреварите се играат во Пореч).