Последното 6.коло од групната фаза во Лигата на шампионите треба да го даде конечниот список на екипи кои ќе играат во нокаут фазата.
Остануваат уште четири празни места за осминафиналето, а вечерва две од нив ќе бидат пополнети.
Во групата А, минхенски Баерн веќе се ја заври работата. Затоа за второто место во игра се сите три екипи. Многу работи ќе зависат од директната пресметка меѓу Копенхаген и Галатасарај. Двата тима влегуваат со еден бод предност во однос на Манчестер Јунајтед кој пак ќе игра со не поразениот досега Баер.
Во групата „Ц“ во која Реал е неприкосновено прв, за второто место директен дуел меѓу Наполи и Брага. Тимот на македонскиот репрезентативец Ељиф Елмаз, Наполи е во далеку по поволна ситуација. Освен предноста на домашниот терен, Наполитанците имаат три бодови повеќе од португалскиот тим. Така на италијанскиот шампион и нерешен резултат му врши работа.
Во останатите две групи, осминафиналистите се веќе познати. Арсенал и ПСВ од конкуренцијата Б, односно Сосиедад и Интер од Д групата ќе продолжат во осминафиналето. Затоа останатите четири екипи од овие групи бркаат пласман на 3.место кое води во Лигата на Европа.
Натпревари од Б групата ќе се играат од 18.45 часот, а останатите во терминот од 21 часот.
