Лига на Шампиони: Неколку тима со шанса за пласман во осминафиналето

Откако вчеравечер беа одиграни првата половина од натпреварите од 4-тото коло, вечерва во Лигата на шампионите нови осум натпревари. 

Манчестер Сити и Лајпциг веќе се промовираа во осминафиналисти. По денешните натпревари тоа може да го сторат уште пет тима. 

Минхенски Баерн и Реал Мадрид, кои имаат максимални 9 бодови, играат пред своите симпатизери против Галатасарај и Брага. Со победа ќе се пласираат во „нокаут“ фазата. 

И во групата Д, иста шанса имаат Сосиедад и Интер, доколку ги совладаат Бенфика и Салцбург. 

Екипата на Арсенал која е водечка во Б групата е во мала предност во однос на конкурентите. „Топџиите“ и со победа над Севиља нема да бидат сигурни и ќе го чекаат исходот од дуелот ПСВ – Ленс.

Сите голови од вчерашните натпревари, на едно место, може да ги гледате ОВДЕ.