Кошаркарска репрезентација на Македонија (до 20 години) го претрпе вториот пораз во „Б“ дивизијата на Европското првенство.
Македонските младинци во натпревар од „А“ групата, денеска беа надиграни од селекцијата на Шведска со убедливи 66-86.
Уште од самиот почеток на натпреварот Швеѓаните дадоа до знаење, дека не случајно се први на табелата. Македонските младинци само едена имаа предност и тоа 7-6 во третата минута. Сето останато време, противникот беше оној што доминираше. Имаа Швеѓаните и најголеми 33 поени предност во поседната четвртина. Се што сторија нашите надежи е само колку-топлку да го ублажат поразот на 22 поени разлика.
Иако Македонија во моментов е втора на табелата, сепак тоа ќе се смени, бидејќи вечерва играат Ирска и Азербејџан кои како и нашата селекција имаат по една победа.
Во зависност од исходот на тој натпревар, ќе ги знаеме и шансите на македонските младинци, за евентуален пласман во четвртфиналето.
Тоа пак ќе мора да се брка утре во последниот меч од групната фаза против Азербејџан.
Следете нé на социјалните мрежи
