Литванија испиша една од најневеројатните страници во историјата на квалификациите за Светското првенство 2027. Во 1.коло тие ја совладаа Велика Британија со 89-88, иако на само десет секунди до крајот губеа со седум поени разлика (80-87). Она што следеше беше вистинска кошаркарска бајка.
Гнас Саргиунас, ја презеде целата одговорност во најкритичните моменти и со три тројки и донесе победа на свокјата селекција.
Прво погоди за 83-87 и ја разбуди надежта кај Литванците. Потоа, Акваси Јебоа од британскиот тим беше фаулиран, но успеа да реализира само едно слободно фрлање 83-88.
Саргиунас повторно ја зема топката и со неверојатна самодоверба погоди уште една тројка за 86-88, на само 3,5 секунди до крајот. Британците направија катастрофална грешка при уфлањето во игра, а топката заврши во рацете на Литванците. Саргиунас реши да биде херој и со трета тројка во серија, со звукот на сирената донесе победа со 89-88.
Публиката беше во транс, а коментаторите едноставно не можеа да поверуваат во она што го гледаат.
Овој натпревар ќе остане запаметен како пример за тоа дека во кошарката ништо не е готово додека не истече последната секунда.
9 POINTS IN 9 SECONDS IS PURE MADNESS 🤯🤯🤯🤯
— FIBA Basketball (@FIBA) November 27, 2025
Ignas Sargiunas hit three triples in 9 seconds and the GAME-WINNER 😱#FIBAWC x #StepItUp 🇱🇹 pic.twitter.com/f3bI1CMBRB
