Кошаркарите на МЗТ Скопје Аеродром го совладаа КК Штип со 96:74 во последниот натпревар од осмото коло во македонската кошаркарска Суперлига. Со овој дуел во СЦ „Јане Сандански“ е комплетирано осмото суперлигашко коло, а домаќинот се врати на победничкиот колосек. За „сино-белите“ ова е шеста победа сезонава, со која остануваат на второто место на табелата веднаш зад непоразениот Работнички.
Прашањето на победникот беше решено уште во првото полувреме, во кое аеродромци одиграа цврсто во одбраната и прецизно во нападот. По почетните 24:11 во првата четвртина, домашниот состав продолжи во ист ритам и до одморот изгради убедливи 51:23. Штипјани заиграа поопуштено во вториот дел и ги добија третиот и четвртиот период со 23:20, односно 28:25. Сепак, високата предност на МЗТ Скопје ниту еднаш не беше доведена во прашање до последниот звук на сирената.
Пресудна беше реализацијата од поле, каде што МЗТ Скопје шутираше со високи 54,2 отсто, наспроти 40,5 отсто на гостите. Лука Стојановски го предводеше домашниот напад со 21 поен и пет асистенции, а Војдан Стојановски додаде 16 поени и пет асистенции. Димитрије Николиќ запиша дабл-дабл учинок со 14 поени и 12 скока. Двоцифрени кај победникот беа уште Адем Мекиќ со 13 поени и Тадија Тадиќ со 12 поени.
Најефикасен на натпреварот беше кошаркарот на КК Штип, Џеј Пал, со 22 поени и седум скока. По 11 поени кај гостите постигнаа Ивица Димчевски, Кем Хамилтон и Михајло Митев, додека Александар Костоски подели осум асистенции. Поразот ја прекина серијата на штипјани од три победи во низа, па тие остануваат осми со 11 бода. МЗТ Скопје Аеродром сега има 14 бода и ефект 6-2, два бода помалку од лидерот Работнички.
Единствената победа на гостински терен во ова коло ја остварија кошаркарите на беди забележаа и Кожув и тоа во Струмица . На останатите натпревари победи славеа домашните кошаркари.
Распоред
Табела
| # | Екипа | ОН | П | И | кош +/- | Б |
|---|
































