Феанција е првиот полуфиналист на Светското првенство (ВИДЕО)

Фудбалерите на Франција со победата над Мароко, обезбедија пласман меѓу четирите најдобри на Светското првенство.

Во првиот меч од четвртфиналната рунда одигран вечерва во Бостон, Франција го победи Мароко со 2: 0.

Триколорите беа подобар противник во текот на целиот натпревар. Во првото полувреме има неколку зрели шанси да го откријат резултатот, а најсериозната на Мбапе кој во 28.минута не реализира пенал.

И во вториот дел иста слика на теренот со два брзи гола за само 6 минути Французите ги разрешија сите дилеми.

Прво Мбапе во 60.минута, со неговиот осми погодок на првенството, го отвори резултатот, за водство од 1-0.

За вториот погодок, Французите не чекаа долго. Во 66-тата минута, Усман Дембеле го реализира својот петти гол на шампионатот за водство и триумф на Франција од 2-0.

За Триколорите ова е трето последователно полуфинале, а вкупно осмо на Мундијалите. Во него за противник Франција ќе го имаат подобриот од утрешниот дуел меѓу европскиот шампион Шпанија и селекцијата на Белгија.