Селекторот на машката одбојкарска репрезентација на Македонија, Јошко Миленкоски го направи изборот нна играчите со кои чќе настапи на последниот турнир во Европската лига.
Миленкоски за Приштина поведе 13-мина репрезентативци на кои ќе смета за дуелите со домаќинот Косово и селекцијата на Израел.
Во последниот пресек селекторот Миленкоски одлучи дома да останат младите, Лука Ристоски, Ване Арапов, како и Јован Милев. Од претходно е познато дека за целиот циклус надвор од комбинација е и повредениот Александар Љафтов.
Македонските одбојкари од денеска се стационирани во косовскиот главен град, каде утре и в сабота ќе ги играат последните два натпревари.
Во првиот, утрешниот, Македонија за противник ќе го има домаќинот Косово. Дуелот ќе се игра од 20 часот, а во истиот термин ден подоцна (сабота) противник е Израел.
Следете нé на социјалните мрежи
