Екипите на Наполи и Копенхаген се пласираа во нокаут фазата на Лигата на шампионите. Ова е епилогот по вечерва одиграните натпревари од последното 6.коло во групите
Италијанскиот првак Наполи славеше во дуелот со португалската Брага и го обезбеди второто место зад Реал.
На дуелот во Неапол, домаќините поведоа рано уште во 9-тата минута. По пробивот и нафрлувањето на Политано, Турчинот, Сердар Саатчи си постигна автогол. Иако гостите игра офанзивно и се обидуваа да стигнат до израмнување тоа не се случи, напротив. Во 33-тата минута Виктор Осимен му донесе предност на Наполи од 2-0.
Во групата на „смртта“ (А), покрај минхенски Баерн осминафинале обезбеди и Копенхаген. Данскиот првак е големо изненадување. Копенхаген вечерва го совлада Галатасарај со голот на Лерагер во 50-та минута и го освои второто место. Како трет заврши тимот на Галатасарај, додека Манчестер Јунајтед го заврши својот настап на европската сцена.
Сосиедад како прв и Интер како второ рангирана, завршија во Д групата од која Бенфика ќе игра во Лигата на Европа.
Претходно беа одиграни и средбите од Б групата од која Арсенал и ПСВ се осминафиналисти, а Ленс ќе игра во Лигата на Европа.
За кратко овде (на едно место) ќе може да ги видите сите голови, од денешните натпревари.
