Првата машка кошаркарска лига стигна до шестото коло. Тоа ќе биде одиграно во три дена почнувајќи од денеска.
Првиот натпревар ќе се игра попладнево во Охрид. Во салата „Билјанини Извори“ екипата на Охрид го пречекува шампионот МЗТ Скопје Аеродром.
Домаќините ќе имаат тешка задача да ја прекинат низата од три порази и да стигнат до втората победа сезонава.
Од друга страна, МЗТ Скопје ќе атакува на петтиот триумф. На овој дуел аеродромци не ќе може да сметаат на својот најдобар играч, Војдан Стојановски. Но, и без него МЗТ ја има улогата на апсолутен фаворит.
Натпреварот Охрид – МЗТ Скопје ќе почне од 17 часот, а ќе може да го ГЛЕДАТЕ ВО ЖИВО ОВДЕ.
Останатите натпревари ќе с играат викеднов.
ПРВА ЛИГА (МАЖИ) – 6.КОЛО
Петок
17.00 ОХРИД – МЗТ СКОПЈЕ АЕРОДРОМ
Сабота
12.00 ТФТ – ГОСТИВАР
19.00 ЧАИР – КОЖУВ
Недела
18.00 ВАРДАР – АКДЕМИЈА ФМП
19.00 РАБОТНИЧКИ – ЕУРО НИКЕЛ
без присуство на публика
20.00 ФЕНИКС – ПЕЛИСТЕР
ТАБЕЛА: Чаир 9 бодови, МЗТ Скопје Аеродром 9, ТФТ 9, Еуро Никел 8, Работнички 8, Пелистер 8, Феникс 8, Гостивар 7, Вардар 7, Кожув 6, Охрид 6 и Академија ФМП 5.
