Македонскиот ракометен вицешампион, Алкалоид денеска ќе го има своето деби на европската сцена.
Младиот тим од Автокоманда, ќе дебитира во ЕХФ Европската лига. Прв противник е Војводина, актуелен српски шампион и минатогодишни победник во ЕХФ Европскиот куп.
Јасно дека тоа противникот го прави фаворит, тоа го нагласи и тренерот Кирил Лазаров на вчерашната прес-конференција.
Но, Лазаров неговите избраници ветуваат голема борба до последен миг, а доколку им се укаже шанса за добар резултат секако ќе ја зграбат.
Алкалоид нема што да загуби, може само да добие е заклучокот на ракометните аналитичари.
Младоста, полетноста, борбеноста и желбата за докажување ќе бидат „оружјето“ на Алколоид, сметаа тие.
Дел од овие ракометари веќе имаат искуство на настапи на силни натпревари и тоа преку репрезентативниот дрес на Македонија. Но, дали е тоа доволно да се вбројат меѓу двете екипи во силната конкуренција во Ц групата во која се и шпанската Лариоха и тимот на Силкеборг останува да се види.
првиот показател за тоа ќе биде вечерашниот натпревар. Тој ќе се игра во СЦ „Јане Сандански“ во вечерниот термин од 20.45 часот.
