Македонскиот ракометен вице-првак Вардар вечерва ќе го играат последниот натпревар од првата групната фаза во Лигата на Европа. Во СЦ „Јане Сандански“ во Скопје гостува француската екипа Тулуз.
Натпреварот е без резултатско значење за двете екипи. Вардар веќе обезбеди пласман во следната групна рунда, додека Тулуз со овој меч ќе го заврши настапот на европската сцена. Без разлика на тоа, таборот на Вардар владее силна желба групната фаза и календарската година во Европската лига, да се заврши со победа и уште една радост за навивачите.
Левото крило Марио Стојановски смета дека навивачите треба да очекуваат триумф.
„Добро го имаме анализирано Тулуз, треба само да го спроведеме на теренот тоа што ни го кажа стручниот штаб на чело со Иван Чупиќ и одиме на победа“, изјави Стојановски.
Во првиот меѓусебен дуел одигран во Франција, Вардар го доби мечот со 26-28.
Вардарци веќе ги знаат своите противници за следната, втора групна фаза. Во неа, црвено-црните ќе против германскиот Мелсунген и португалската Бенфика. Тие натпревари натпревари на програмата се во февруари месец следната година.
Вечерашниот натпревар Вардар – Тулуз ќе почне од 18.45 часот, а може да го ГЛЕДАТЕ ВО ЖИВО ОВДЕ.
Следете нé на социјалните мрежи
