Романската екипа Баја Маре ќе биде следниот противник на ракометарите на Алкалоид во ЕХФ Европскиот Куп.
Ова е исходот од денешната ждрепка одржана во седиштето на Европската ракометна федерација. На истата одреден е патот кој треба да го минат екипите до евентуално учество во финалето.
Алкалоид кој до четвртфиналето стигна со максимални шест победи, првиот меч со Баја Маре ќе го игра на гостински терен на 22 или 23 март. Реваншот во Скопје на програмата е седум дена подоцна 29/30 март.
Евентуален противник во полуфиналето на скопскиот тим би бил подобриот од двомечот меѓу грчкиот Олимпијакос и Рунар Сандерфјорд од Норвешка.
ЕХФ ЕВРОПСКИ КУП
ЧЕТВРТФИНАЛ
БАЈА МАРЕ (РОМАНИЈА) – АЛКАЛОИД (МАКЕДОНИЈА)
ОЛИМПИЈАКОС (ГРЦИЈА) – САНДЕРФЈОРД (НОРВЕШКА)
АЕК (ГРЦИЈА) – ПАРТИЗАН (СРБИЈА)
ХАУКАР (ИСЛАНД) – ИЗВИЃАЧ (БИХ)
ПОЛУФИНАЛЕ
Баја Маре/Алкалоид – Олимпијакос/Сандерфјорд
АЕК/Партизан – Хаукар/Извиѓач
