Најдобрата фудбалска репрезентација на Македонија како 67-ма ќе ја заврши календарската 2024-та година.
Светската фудбалска федерација (ФИФА) денеска го објави последното рангирање за годината која изминува.
Македонија остана на 67-мото место на ФИФА листата како и претходното рангирање.
Од нашите противници во новиот циклус на квалификации за СП 2026-та, Белгија е со најголем ранкинг. Белгијците се на 8.место на кое беа и претходно.
Ниту останатите селекции немаат промени во своите рангирања. Така само и Велс е пред нас 29-ти, а зад нас се Казахстан 110-ти и Лихтенштајн кое е на дури 204 место.
Во ТОП 10-те нема промени па светскиот шампион Аргентина ќе ја заврши годината на првата позиција.
