Возачот на Дукати, Франческо Бањаја, триумфираше на Големата награда на Малезија, претпоследната трка од овогодинешниот шампионат во Мото ГП. Со тоа Италијанецот ја одложи одлуката на шампионот до големото финале, кое треба да се одржи во Барселона.
Актуелниот шампион ја оствари својата 10-та голема победа годинава во Сепан. Тој во неверојатна трка заврши пред Хорхе Мартин во директен дуел за титулата.
На двајца од веројатно најдобрите возачи оваа сезона на подиумот им се придружи Енеа Бастианини во друга фабрика на Дукати.
Првиот старт му припадна на Мартин, пред Бањаја кој беше агресивен и изби во водство. Но црвеното знаме брзо беше истакнато, па по дваесетина минути пауза, двајцата ја продолжија својата битка.
Дуел беше решен по четири-пет круга, кога Бањаја почна да ја зголемува предноста и потоа да ја одржува. Мартин остана зад него и пред Маркез, кој погреши и излета од патеката во осмиот круг, па Бастианини искористи за да стигне до подиумот.
Сега актуелниот шампион Бањаја заостанува 24 бодови во однос на конкурентот Мартин.
Годинешниот шампионат во Мото ГП требаше да заврши со Големата награда на Валенсија на 17 ноември, но таа трка беше откажана поради големите поплави во тој дел на Шпанија. Наместо во Валенсија, големото финале треба да се одржи на патеката „Каталуња“ крај Барселона.
