Макс Верстапен од Ред Бул победи на 13-тата трка во Формула 1 што се возеше во Холандија на патеката Зандворт.
И покрај лошите временски услови поради дожд, не го спречија летечкиот Холанѓанец да стигне до нова победа. Вкупно 9-та во сезоната со што се израмни со Фетел по бројот на победи по ред во една сезона.
Трката повеќе пати беше во прекин, дали поради излетувања на истата или поради силен дожд. Беше прашање на време само дали ќе заврши пред време или регуларно ќе се извозат сите 72 круга.
Во таа мешаница сепак Верстапен не дозволи изненадување и ја продолжи доминацијата оваа сезона со својот Ред Бул за нивна 13-та победа сезонава и подобрување на рекордот.
На подиумот место имаше и за Алонсо од Астон Мартин и изненадувањето Пјер Гасли од Алпин за негов прв подиум сезонава.
Во најдобрата 10-ка која освојува бодови се пласираа уште и Перез, Саинц, Хамилтон, Норис, Пиастри и Окон.
Во генералниот пласман Верстапен води со 339 бода. Перез е втор со 201, Алонсо е трет со 168, Хамилтон 156 и Саинц со 102 бода.
Следната трка се вози следната недела на 3-ти септември кога на програмата е 14-тата трка во сезоната на патеката Монца за ГН на Италија.
