КК Пелистер доведе второ засилување за сезоната 2026/27.
По потписот на Благој Димитриев, нов член на битолскиот клуб е Алонзо Едвард Денинг.
Се работи за кошаркар кој доаѓа од САД, но неговото потекло е од Македонија и поседува македонско државјанство. Тоа значи дека Денинг во македонското првенство ќе настапи како домашен играч.
Алонзо игра на позицијата крилен центар и пред да дојде во Македонија настапуваше во Азербејџан, Еквадор и Косово.
Денинг пред јавноста ќе биде претставен на почетокот на подготовките на Пелистер.
