Започнува битката за европскиот кошаркарски трон

Грчката престолнина Атина е во „вонредна“ состојба поради претстојниот фајналфор турнир во кошаркарската Евролигата.

Две шпански екипи (Валенсија и Реал), локалниот грчки фаворит (Олимпијакос) и турскиот Фенербахче, останаа во трка за шампионскиот трофеј.

Олимпијакос – Фенербахче (17:00 ч.)

Првиот полуфинален дуел носи епски судир на европските кошаркарски гиганти. Домаќинот Олимпијакос сонува за својот четврти трофеј пред фанатичната публика во Атина. За составот од Пиреја ова претставува вкупно 13-то учество на големите завршници. Нивниот противник Фенербахче пристигнува во Атина како актуелен бранител на шампионскиот трон. Турскиот тим досега има освоено 2 титули во својата богата клупска историја. За клубот од Истанбул ова е вкупно 7-мо учество на елитниот фајналфор.

Валенсија – Реал Мадрид (20:00 ч.)

Шпанското дерби е втората полуфинална пресметка. Дебитантот Валенсија пишува историја со своето прво учество на елитниот фајналфор. Тимот брка прва евролигашка титула во историјата против најтрофејниот клуб на континентот. Моќниот Реал Мадрид е апсолутен рекордер во натпреварувањето со дури 11 шампионски титули. За кралскиот клуб ова е 15-то учество на завршниците.

Шампионот го дознаваме во недела

Големото финале на програмата е в недела, 24 мај (недела), со почеток во 20:00 часот. Оваа година Евролигата воведе историска промена во форматот. Традиционалниот натпревар за трето место е целосно укинат. Наместо тоа, во терминот од 17 часот ќе се одигра големото финале на младинскиот „Adidas NextGen“ турнир.

^{Следете нé на социјалните мрежи}

• Facebook
• Instagram
• X
• YouTube
• VK
• Mail

• Threads

🪎 You want cinema? It’s back tomorrow.

May 22–24: #F4GLORY is ON. pic.twitter.com/YMqWqbCfoP

— EuroLeague (@EuroLeague) May 21, 2026