Прилеп и Тиквеш во дуел на не поразените во Супер лигата

Со натпревар што ќе се игра вечерва во Прилеп ќе биде комплетирано 3.коло во машката ракометна Супер лига.

Екипата на Прилеп ќе биде домаќин на составот на Тиквеш. Овој натпревар си игра подоцна од останатите, поради обврските на кавадарчани во ЕХФ Европскиот куп, од кои беа елиминирани.

Инаку двата тима во воведните две кола остварија победи. Доколку некоја од нив и денеска успее да слави, ќе им се приклучи на Алкалоид и Вардар кои се на првите две позиции на табелата со максимален „скор“ .

Денешниот дуел меѓу Прилеп и Тиквеш ќе почне во терминот од 19.30 часот