Баерн Минхен го освои првиот трофеј во новата сезона, откако славеше на гостувањето кај Борусија Дортмунд во германскиот Суперкуп со 1:2.
Тимот предводен од Винсент Компани одигра извонредно прво полувреме во кое целосно ја доминираше теренот. Резултатот го отвори Натаниел Браун во 28.минута по одличната асистенција на Мајкл Олисе. Пред самиот крај на првиот дел, Олисе ги казни грешките на противничкиот одбранбен ред и сам реализираше за 0:2.
Во второто полувреме Борусија Дортмунд се обиде да се врати во натпреварот, а преку Силва намали на 1:2. Сепак, домашниот состав не успеа да направи целосен пресврт, а работата дополнително им ја отежна црвениот картон на Бенсебаини.
Баерн рутински го приведе мечот до самиот крај и заслужено го подигна пехарот во Дортмунд.
