Елитниот европски фудбал Лигата на шампиони вечерва ја нови втората пресметка во полуфиналето. Во Мадрид кај Атлетико гостува англискиот Арсенал.
Домаќините се потпираат на својата цврста одбрана, додека гостите од Лондон пристигнуваат со офанзивен стил и желба за позитивен резултат.
„Очекувам исклучително тежок меч против тим кој игра со висок интензитет, но ние сме подготвени да одговориме на предизвикот“, изјави Диего Симеоне.
Стратегот на Атлетико верува дека поддршката од трибините ќе биде клучниот фактор за остварување предност пред реваншот во Лондон. Од друга страна, Микел Артета нагласи дека неговиот тим мора да биде максимално фокусиран и дисциплиниран во текот на сите деведесет минути.
„Играме против еден од најорганизираните тимови во Европа и секоја мала грешка може да биде казнета на ова ниво“, порача Артета.
Статистиката сугерира, дека дуелите на овие два ривали секогаш носат голема борба за секоја топка на средината од теренот. Овие два европски гиганти досега имаат одиграно вкупно 5 официјални натпревари.
Арсенал има две победи, а Атлетико една, додека два дуели завршиле „реми“.
Последниот дуел се одигра на 21 октомври 2025 година во рамките на групната фаза. На тој натпревар Арсенал извојува убедлива победа од 4:0 на домашен терен. Во 2018 година, тимовите се сретнаа во полуфиналето (како и сега), а Атлетико мина понатаму со вкупен резултат 2:1 (1:1 во Лондон и 1:0 во Мадрид).
Тешко е да се очекува дена вечерашниот меч ќе биде ефикасен како вчерашниот меѓу ПСЖ и Баерн во кој беа постигнати девет голови.
