Маџари обезбеди место во плеј-офот на Супер лигата по убедливата победа над директниот конкурент Кожув со резултат 114:89.
Домашниот тим ги реши сите дилеми во третата четвртина која ја доби со високи 33:16 за недостижна предност.
Скопскиот состав со овој триумф потврди дека со право важи за најголемо пријатно изненадување во тековната натпреварувачка сезона.
На две кола пред крајот на ТОП 6 фазата, Маџари има недостижен ефект од 14 победи и 11 порази.
Луис беше незапирлив на теренот со 27 постигнати поени, надополнети со пет асистенции и четири скока за победничката екипа.
Армстронг одигра одличен натпревар со 21 поен, седум скока и осум асистенции во клучниот триумф за влез во четирите најдобри.
Двоцифрен учинок во тимот на Маџари имаа уште Хот, Грин, Луканоски и Петкоски кои доминираа во нападот во текот на мечот.
Најефикасен кај гостите од Гевгелија беше Симиќ со 19 поени, но тоа не беше доволно за поволен резултат на ова гостување.
Маџари сега има подобар меѓусебен скор со Кожув, што и дефинитивно им го гарантира четвртото место на табелата пред разигрувањето.
