Вечерва ќе се играат нови два натпревари од четвртфиналето во УЕФА Лигата на шампионите. Вниманието ќе биде насочено кон Париз и Барселона.
Може ли Ливерпул да го сопре ПСЖ!?
Европските гиганти ПСЖ и Ливерпул ќе ги одмерат силите на стадионот „Паркот на принцовите“.
Актуелниот европски шампион ПСЖ, влегува во овој дуел по убедливата елиминација на Челси со вкупен резултат 8-2 во претходната фаза. Ливерпул обезбеди место меѓу најдобрите осум откако во осминафиналето го совлада тимот на Галатасарај со пресврт на домашен терен. Тренерот на „црвените“, Арне Слот, има проблеми со повреди бидејќи првиот голман Алисон Бекер најверојатно ќе го пропушти натпреварот. ПСЖ ја брани титулата во елитното натпреварување и важи за благ фаворит според моменталната форма на двете екипи.
Шпанската „војна“ ќе се води на „Камп Ноу“
Истовремено, Барселона го пречекува Атлетико Мадрид на „Камп Ноу“ во големото шпанско дерби. Каталонците влегуваат во овој дуел во одлично расположение, откако изминатиот викенд ги победија „јорганџиите“ во ла Лига со резултат 2-1 во Мадрид.
Тимот на Ханси Флик покажа неверојатна ефикасност во осминафиналето кога со вкупни 8-3 го елиминираше англискиот Њукасл. Атлетико Мадрид, пак, се пласираше во оваа фаза по тешката и тактичка битка против екипата на Тотенхем. Диего Симеоне ќе се потпре на цврстата одбрана и контранападите за да извлече поволен резултат пред реваншот во Мадрид. Ова е вкупно 25-ти меѓусебен европски дуел за Барселона против шпански противници низ богатата клупска историја.
Двата натпревари почнуваат во темниот од 21 часот.
Следете нé на социјалните мрежи
