Македонскиот кошаркарски шампион МЗТ Скопје Аеродром добива нов партнер.
Станува збор за српската телекомуникациска компанија МТЕЛ, која работи и во Македонија.
Денеска двете страни ја официјализираа соработката која засега е на една година.
Договорот го потпишаа директорите Филип Ѓоревски и Марко Лопичиќ.
„Горди сме што како компанија имаме можност, но и големо задоволство да бидеме дел од успешната приказна на МЗТ Скопје.
Среќни сме што ја продолжуваме традицијата на нашата компанија во рамки на своите можности да ги поддржиме спортските клубови, а преку тоа да придонесеме кон поздрава и поактивна младина, што во денешницата е од особена важност“,
нагласи генералниот директор на МТЕЛ, Марко Лопичиќ.
На настанот е присуствуваа и се обратија генералниот директор на Телеком Србија, Владимир Лукиќ и градоначалникот на општина Аеродром, Тимчо Муцунски.
Потсетување дека оваа компанија веќе е дел од мак-баскетот. Тие лани влегоа како главен спонзор на лутиот ривал на аеродромци, КК Работнички.
