Пабло Мартин Паез Гавира „Гави“ го чекаше тој ден за да биде регистриран како професионалец во Барселона со бројот шест кој што го носеше и тренерот Чави Ернанез.

Поради финансиски проблеми, брилијантниот 18-годишен репрезентативец на Шпанија беше под договор за стипендија цела минатата сезона.

Претседателот Жоан Лапорта преговара со Лионел Меси за неговото враќање на „Камп Ноу“, но патем го реши и проблемот со Гави, кој летово можеше без проблеми и без обештетување да си замине од Барса.

Тој доби професионален договор со важност до јуни 2026 година, како и откупна клаузула од една милијарда евра. Така Гави им се приклучи на Ансу Фати, Педри и Араухо кои исто така имаат откупна клаузула од една милијарда евра.

18-годиниот Гави одигра повеќе од 49 натпревари, постигнувајќи три гола со седум асистенции, освојувајќи ја Примера и Суперкупот на Шпанија.

ПОВРЗАНИ НАПИСИПОВЕЌЕ ОД АВТОРОТ