Екипата на Тотенхем славеше победа над Ливерпул во првиот полуфинален дуел од „Карабао“ Лига купот. Натпреварот одигран во Лондон домаќините го добија минимално со 1-0.
Стрелците не беа расположени, иако двата тима има повеќе шанси за голови во неколку наврати. Соланке во 79.минута ја затресе мрежата на Ливерпул, но голот беше поништен поради офсајд.
Сепак оној на Швеѓанецот, Бергвал во 86.минута беше регуларен, па Тотенхем, поведе со 1-0. До крајот резултатот остана не променет.
Така реваншот на „Енфилд“ ќе решава кој ќе игра во финалето.
Потсетување дека вчера во првиот полуфинален дуел Њукасл на гости го победи Арсенал со 2-0 и направи голем чекор кон финалето.
Реванш полуфиналните дуели ќе се играат на 5 и 6 февруари, прво во Њукасл, а потоа во Ливерпул.
