По пауза од пет натпревари, Лука Дончиќ се врати во игра тимот на Далас кој славеше на гостувањето кај Портланд со 137-131.
Словенецот одигра одличен натпревар кој го заврши со дабл-дабл учинок. Дончиќ постигна 36 поени на кои додаде 13 скокови, а имаше и седум асистенции.
За Далас тоа беше 13-тиот триумф сезонава, а четврти во низа.
Дерби дуелите се играа во Кливленд и Хјустон каде се сретнаа најдобриот пласираните екипи на истокот и западот.
Шампионот Бостон имаше победата во свои раце, во четвртата четвртина беа со 12 разлика, но не издржаа. Кливленд направи комплетен пресврт и славеше со 115-111. „Кавси“ ја остварија 18-тата победа, а „Селтикс“ го претрпеа третиот пораз.
Хјустон кој е втор на западот го совлада составот на Оклахома со 119-116. И на овој натпревар победникот се решаваше во последниот период во кој „Рокетс“ подобро одигра.
Фред ВанВлит со 38 поени ги предводеше Хјустон до 15-тата победа, со која се израмнија со „Тењндерси“ кои имаа еден пораз помалку (6).
На останатите натпревари, беа постигнати следниве резултати:
Бруклин – Орландо 92:100
Мемфис – Индијана 131:121
Њујорк – Њу Орленанс 118:85
Торонто – Мајами 119:116
Јута – Лос Анџелес Лејкерс 104:105
Сакраменто – Сан Антонио 125:127
