Два натпревари нуди денешната програма во Првата машка кошаркарска лига.
Екипите на ТФТ и Чаир се во „потера“ по шампионот МЗТ Скопје кој со вчерашната победа на гостувањето во Охрид изби сам на првата позиција на табелата.
Двата тима досега имаат по четири победи и со евентуален триумф денеска би се израмниле со шампионот.
ТФТ ќе стартува прв и тоа точно напладне за кога е закажан дуелот во СЦ „Кале“ против Гостивар кој има само две победи на изминатите пет натпревари.
Составот на Чаир исто така ќе игра пред своите симпатизери, пред кои досегашните одигра три натпревари и сите ги доби. Кај чаирчани гостува гевгелиски Кожув кој ја брка втората победа сезонава.
Двата денешни натпревари како и утрешните три може да го ГЛЕДАТЕ ВО ЖИВО ОВДЕ (кликни).
ПРВА ЛИГА (МАЖИ) – 6.КОЛО
Сабота
12.00 ТФТ – ГОСТИВАР
19.00 ЧАИР – КОЖУВ
Недела
18.00 ВАРДАР – АКДЕМИЈА ФМП
19.00 РАБОТНИЧКИ – ЕУРО НИКЕЛ (МРТ)
без присуство на публика
20.00 ФЕНИКС – ПЕЛИСТЕР
Петок
ОХРИД – МЗТ СКОПЈЕ АЕРОДРОМ 73-98
ТАБЕЛА: МЗТ Скопје Аеродром 11 бодови, Чаир 9, ТФТ 9, Еуро Никел 8, Работнички 8, Пелистер 8, Феникс 8, Гостивар 7, Вардар 7, Охрид 7, Кожув 6 и Академија ФМП 5.
