Женското Европско одбојкарско првенство влегува во самата завршница.
Селекциите на Италија и Холандија со вчерашните победи над Франција и Белгија го обезбедија своето место во дуелите за медал.
Тие тргнаа на пат кон Брисел, каде ќе се одиграат завршните натпревари. Водено двете селекции ќе ги чекаат исходите од денешните натпревари, за да ги дознаа противниците во полуфиналето.
Во првиот дуел од четвртфиналето што ќе започне од 17 часот ќе играат одбојкарките на Турција и Полска. Победникот од овој меч оди на мегдан на Италија во полуфиналето.
Холандија пак ќе почека исходот од последниот четвртфинален меч меѓу Србија и Чешка закажан за во 20 часот.
Полуфиналните натпревари на програмата се во петок, а дуелите за медал ќе се играат во недела
ЕВРОПСКО ПРВЕНСТВО (ЖЕНИ) – ЧЕТВРТФИНАЛЕ
Брисел (денеска)
17.00 ТУРЦИЈА – ПОЛСКА
20.00 СРБИЈА – ЧЕШКА
Фиренца (вчера)
ХОЛАНДИЈА – БУГАРИЈА 3-0
ИТАЛИЈА – ФРАНЦИЈА 3-0
ПОЛУФИНАЛЕ (1 септември во Брисел)
ИТАЛИЈА – Турција / Полска
ХОЛАНДИЈА– Србија / Чешка
Финале и меч за 3 место (3 септември во Брисел)
