Новото супер засилување на Реал Мадрид, Јуде Белингам продолжува да ги воодушевува навивачите на Кралскиот тим, па денес со нови два гола и асистенција донесе триумф со 1:3 за својот тим на гостувањето кај Алмерија.
Натпреварот почна одлично за домаќините кога во третата минута младиот Серхио Арибас го совлада Лунин за предност на својот тим од 1:0.
Сепак избраниците на Карло Анчелоти брзо се консолидираа па Белнгам во 19-тата минута изедначи на 1:1. Резултат со кој се отиде на пауза, откако голот на Тони Крос за 1:2 беше поништен по реакција на ВАР.
Гостите од Мадрид конечно дојдоа до пресврт во 60-тата минута кога Крос асистираше а Белингам повторно погоди за 1:2.
Конечните 1:3 ги постави Винициус во 73-тата минута на асистенција на Белингам.
Реал Мадрид по две одиграни кола е првопласиран со 6 бода
