Ноќеска во НБА лигата се одиграа само етири натпревари. Нив ги одбележаа идивидуалните настапи на Виктор Вембањама и Демјан Лилард.
Виктор Вембањама постигна 32 поени и 11 скокови во сигурната победа на Сан Антонио Спарс над Лос Анџелес Клиперс од 124:112.
Францускиот центар доминираше на двете страни од теренот, а тимот од Тексас стигна до одличен биланс 13-3 . Огромна поддршка имаше од Стефон Кесл, кој забележа дабл-дабл учинок со 21 поен, 12 асистенции и шест скокови. Џулијан Шампањ додаде 20 поени за домаќините, кои го скршија отпорот на противникот во завршната четвртина. Кај Клиперс најефикасни беа Дариус Гарланд и Брук Лопез со по 23 поени, додека Макс Струс уфрли 18.
Демијан Лилард блесна во враќањето во Милвоки и со 33 поени го предводеше Портланд до триумф од 124:114.
Искусниот плејмејкер погоди пет тројки и фати шест скокови, а Милвоки Бакс го претрпе дури 12. пораз во низа.
Гостите од Орегон имаа одлично расположение во нападот, каде Скут Хендерсон уфрли 27 поени со седум скокови. Џру Холидеј исто така блесна против некогашниот клуб со 22 поени и седум асистенции, а Тумани Камара додаде 18. Милвоки намали на 115:114 во завршницата, но Портланд одговори со серија 9:0 и ги остави домаќините на очаен биланс 1-15. Најефикасен кај Бакс беше Тајлер Хиро со 19 поени, додека Нејт Ејмент и Каспарас Јакучионис завршија со по 18.
Мемфис ја продолжи победничката серија на пет натпревари откако убедливо го совлада ослабениот Голден Стејт Вориорс со 126:98.
Џејлен Велс со 22 поени и Седрик Кауард со 19 го предводеа нападот на домашниот состав до биланс 12-4. Забележителна партија прикажа и Камерон Бузер со 16 поени, шест скокови и пет асистенции, а Џавон Смол додаде 14. Вориорс играа без повредените Стеф Кари и Дрејмонд Грин, па шутираа скромни 5/29 за три и ја завршија турнејата со 0-5. Чарлс Бејси беше најефикасен кај гостите со 16 поени и 13 скокови, а Брендин Поџемски и Вил Ричард уфрлија по 15.
Најмногу неизвесност донесе дуелот во Минеаполис, каде Њујорк Никс ја совлада Минесота Тимбервулвс со 102:99.
Гостите водеа во поголемиот дел од средбата, но едвај ја преживеаја завршната серија на домаќините од 21:8 во последниот период. Карл-Ентони Таунс впиша 22 поени и 12 скокови против поранешниот тим, додека Џејлен Брансон додаде 21 поен и седум асистенции. Оу-Џи Ануноби помогна со 15 поени, а Џош Харт заврши со 11 поени и шест скокови за деветтата победа на Никс. Кај Минесота без Ентони Едвардс најефикасен беше Џонатан Куминга со 23 поени, а Џејден Мекданиелс уфрли 17. Ламело Бол остана блиску до трипл-дабл со 15 поени, осум скокови и осум асистенции, но немаше сила за целосен пресврт.
Резултати
Сан Антонио – ЛА Клиперс 124:112
Милвоки – Портланд 114:124
Мемфис – Голден Стејт 126:98
Минесота – Њујорк 99:102































