Македонската младинска ракометна репрезентација до 20 години го заврши настапот во групната фаза на Европското првенство во Романија. Нашите ракометари претрпеа и трет последователен пораз на шампионатот.
Овојпат подобра од нас беше селекцијата на Данска која славеше убедлив триумф со резултат 20-34.
Натпреварот во Клуж донесе целосна доминација на противникот уште од самиот почеток. Данска ја направи клучната разлика во воведните петнаесет минути од средбата. Тогаш противникот се одлепи на високи 9-3 во голови. На полувремето разликата изнесуваше седум погодоци за скандинавскиот состав.
Во вториот дел ривалот рутински ја одржуваше и ја зголемуваше предноста. Техничките грешки во нападот скапо нè чинеа во текот на целиот меч.
По неуспесите против Хрватска и Норвешка, ова е трет пораз за Македонија која ја заврши групата на последното место без освоен бод.
Сега за избраниците на селекторот Игор Илиевски претстои борба за пласман од 13 до 24 место.
Следете нé на социјалните мрежи
