Кошаркарите на Пелистер попладнево ќе го играат можеби решавачкиот натпревар во групната фаза на АБА2 лигата. Битолчани гостуваат БиХ кај тимот на Широки во дуел од претпоследното 5.колко на „Ц“ групата.
Императив за пелистерци е триумф и ништо друго. Само така можат да останат конкурентни за втората позиција на табелата која води во плејофот.
Истиот императив го има и екипата на Широки бидејќи двата тима имаат по 5 бодови два помалку од второ рангирана Подгорица која вчера загуби од Џокер.
Калкулација има и со пораз од два поени, но тогаш во последното коло Пелистер ќе треба да ја совлада Подгорица. Тогаш во евентуален круг на три екипи би се сметала и кош разликата меѓу трите тима.
Пелистерци веќе еднаш го добија Широки и тоа во Битола со 74-42, во првото коло, но останаа само на таа победа досега. Потоа следуваат три врзани порази.
Дуелот меѓу Широки и Пелистер ќе почне од 18 часот, a може да го гледате во живо овде (линк).
