Првиот дел на натпреварите од женската кошаркарска Прва лига ќе биде заокружен викендов со натпреварите од седмото коло.
Оваа рунда носи уште еден дерби натпревар, реприза на Супер купот. Во СЦ „Јане Сандански“, актуелниот освојувач на Купот, МЗТ Скопје Аеродром го дочекува актуелниот шампион Баскет Кам. Тоа е дуел на две од трите екипи кои досега имаат по пет победи и еден пораз.
Исходот од овој натпревар ќе го чекаат кошаркарките на Вардар кои исто така имаат „скор“ 5-1. Тие не би требало да имаат проблем да стигнат до шестата победа бидејќи гостуваат во Крива Паланка, кај екипата која досега има само две победи.
И останатите два натпревари од оваа рунда ќе се играат денеска.
Натпревари може да ги гледате овде во живо со едноставен клик на посакуваниот натпревар.
ПРВА ЛИГА (ЖЕНИ) – ГРУПА „А“ – 7.КОЛО
недела
13.00 МЗТ СКОПЈЕ АЕРОДРОМ – БАСКЕТ КАМ
15.15 БАДЕЛ 1862 – ПРОБАСКЕТ
15.30 КУМАНОВО-ГРИЗЛИ – СТРУГА
18.00 КРИВА ПАЛАНКА – ВАРДАР
ТАБЕЛА: Баскет Кам 11 бодови, Вардар 11, МЗТ Скопје Аеродром 11, Куманово-Гризли 9, Крива Паланка 8, Пробаскет 8, Бадел 8, Струга 6.
