Македонската сениорската кошаркарска репрезентација неодамна ги дозна противниците во квалификациите за Европското првенство 2025-та. Денеска пак ФИБА ги одреди термините и распоредот на одигрување на натпреварите.
Имајќи ги в предводи противниците и системот на квалификации, а со оглед на тоа дека во нашата група покрај ко-домаќинот на првенството Полска место ќе обезбедат само уште две селекции, јасно е дека најважните натпревари за Македонија ќе бидат оние против Естонија.
А, токму Естонците кои вчера нé „демолираа“ во олимписките пред-квалификации во Талин, ќе бидат и нашиот прв противник во евро-квалификациите.
Против Естонците ќе играме во првото коло закажано за 23 февруари (2024), како и во претпоследното на гостински терен на коло година подоцна (21.02.2025).
Првото гостување ќе ни биде кај Полјаците кои пред десетина дена во двата пријателски натпревари во Белград нé надиграа.
Со Литванците кои се топ фаворити во групата, ќе имаме два врзани натпревари во рок од три дена, првиот во Скопје, а потоа и на гостински терен.
РАСПОРЕД НА КВАЛИФИКАЦИИСКИ НАТПРЕВАРИ
ЕВРОБАСКЕТ 2025-та ГРУПА „Х“
1 коло (23.02.2024)
МАКЕДОНИЈА – ЕСТОНИЈА
ЛИТВАНИЈА – ПОЛСКА
2 коло (26.02.2024)
ПОЛСКА – МАКЕДОНИЈА
ЕСТОНИЈА – ЛИТВАНИЈА
3 коло (21.11.2024)
МАКЕДОНИЈА – ЛИТВАНИЈА
ПОЛСКА – ЕСТОНИЈА
4 коло (24.11.2024)
ЛИТВАНИЈА – МАКЕДОНИЈА
ЕСТОНИЈА – ПОЛСКА
5 коло (21.02.2025)
ЕСТОНИЈА – МАКЕДОНИЈА
ПОЛСКА – ЛИТВАНИЈА
6 коло (24.02.2025)
МАКЕДОНИЈА – ПОЛСКА
ЛИТВАНИЈА – ЕСТОНИЈА
