Екипата на Нотингем Форест го совлада Арсенал со 1:0 и му ги „скрати маките“ на Микел Артета за титулата, односно Манчестер Сити е новиот шампион во Премиер лигата.
„Топџиите“ влегоа во натпреварот офанзивно, со огромна желба за игра и предност во поседот на топката, креирајќи прилики за постигнување погодок. Но, Нотингем имаше одговор на сето тоа и во 19-тата минута преку Таиви Авонији поведе со 1:0 и го „матираше“ гостинот се до крајот на првото полувремето.
Во вториот дел контролата на натпреварот остана во „нозете“ на Арсенал и со последни маки се бореа за постигнување на гол.
Избраниците на Стивен Купер вешто се бранеа и не дозволуваа посериозни прилики за противникот. Натпреварот заврши со 1:0 и титулата оди во рацете на избраниците на Пеп Гвардиола.
Со овој пораз, Арсенал останува на второто место со 81 освоен бод на еден натпревар пред крајот на сезоната, 4 помалку од Манчестер Сити што автоматски ги прави „граѓаните“ нов шампион во англиската Премиер лига.
🏆 YOUR 2022/23 #PL CHAMPIONS 🏆
— Premier League (@premierleague) May 20, 2023
Congratulations, @ManCity! pic.twitter.com/5SqJrl0QrR
