Точно на пладне во 12 часот ќе започне битката за трофејот во 30-тото издание на кошаркарскиот Куп на Македонија „Благоја Георгиевски – Буштур 2023“.
Мај мажите за трофејот ќе се борат осум, а кај дамите четири екипи. Бранители на трофејот од минатата година се ТФТ Моцарт и Баскет Кам.
Во досегашната историја екипите на Работнички и МЗТ Скопје Аеродром имаат освоено по 10 трофеи, а по два пати триумфирале гостиварски Никол Ферт и Фени Индустри од Кавадарци, а меѓу победниците се и имињата на екипите на: Деликатес од Кочани, Вардар Осигурување, АМАК СП Охрид, Карпош Соколи и актуелниот освојувач ТФТ од Скопје.
Денеска на програмата се машките четвртфинални средби по што утре ќе се играат полуфиналните дуели и кај мажите и кај жените, а сабота е резервирана за финалните натпревари.
РАСПОРЕД НА НАТПРЕВАРИТЕ – КУП „БЛАГОЈА ГЕОРГИЕВСКИ – БУШТУР“ 2023 – СКОПЈЕ
(ЧЕТВРТОК)
МАЖИ–ЧЕТВРТФИНАЛЕ
12.00: МЗТ Скопје Аеродром – Кожув (1)
14.30: Гостивар – Феникс 2010 (2)
17.00: Пелистер – Еуро Никел 2005 (3)
19.30: Работнички – ТФТ (4)
(ПЕТОК)
ПОЛУФИНАЛЕ – ЖЕНИ
12.00: Баскет Кам 2011 – Бадел 1862 (1)
14.30: Вардар – МЗТ Скопје Аеродром (2)
ПОЛУФИНАЛЕ – МАЖИ
17.00: Победник 1 – Победник 4
19.30: Победник 2 – Победник 3
(САБОТА)
16.30: ФИНАЛЕ – ЖЕНИ
19.30: ФИНАЛЕ – МАЖИ
*Сите натпревари ќе се играат во салата на СРЦ „Кале“ во Скопје, а влезот е слободен.
