Оливера Наковска-Бикова и Владимир Егоров ги понесоа признанијата за најдобри македонски спортисти за 2022 година.

На свеченоста во организација на АМС, овие двајца спортисти со право се главните лауреати на годинашиот избор.

Наковска-Бикова во една година ги освои титулите на европското и светското првенство во пара стрелаштво, додека Егоров стана европски шампион.

Ракометот и натаму е спорт број 1 во земјата. Очекувано женска и машка репрезентации, како и Ракометната федерација беа прогласени за најдобрите во своите конкуренции.

Признанието најуспешен селектор/тренер му припадна на Дејан Митровски – Урко од кик-боксот, додека за најдобри млади спортист беа прогласени боксерот Петар Арсовски, а кик-боксерката Јадранка Темелкова.

Посебни признанија добија и спортските легенди Кирил Лазаров и Горан Пандев кој во годината што полека изминува ги завршија своите богати и успешни репрезентативни кариери.