Франција е вториот финалист на Светското фудбалско првенство 2022. „Триколорите“ вечерва во Ал Хор ја оправдаа улогата на фаворит во полуфиналето со Мароко славејќи победа со 2:0.

По само пет минути Тео Ернандез и донесе водство на Франција, а победата ја запечати Коло Муани во 79. минута.

Голот на Ернандез е најбрз во полуфиналињата на Мундијалите од 1958 година. Тогаш Бразилецот Вава постигна гол против Франција во првите две минути.

Французите ќе играат во финалето против Аргентина,во кое ќе ја бранат шампионската титула освоена пред четири години на Мундијалот во Русија.

Доколку успејат „Триколорите“ ќе станат само третара репрезнтација, по Италија и Бразил, која ја има одбрането шампионската титула Светски првак.

Финалето ќе се игра на во недела (18 декември) со почеток во 16 часот.

Ден претходно, сабота (17 декември од 16 часот) Мароко ќе игра со Хрватска во мечот за 3. место.