Дисциплинската комисија при ФФМ ги изрече казните за ФЛ Воска спорт, по одбивањето да го доигра натпреварот со Вардар.
Со одземањето на бодовите, охридската екипа е поблиску до преселба во Втората лига, иако до крајот на првенството остануваат уште пет кола. Воска сега има девет бода помалку во однос на конкурентите, а 13 помалку од деветтата позиција која носи опстанок во Првата лига. Покрај бодовите има и парични казни и суспензија.
ФК Воска Спорт АД се казнува со одземање на 9 (девет) бодови од вкупниот број на освоени бодови во тековната натпреварувачка сезона од Прва МФЛ и парична казна од 2.500,00 евра поради напуштање на натпреварот со ФК Вардар АД во рамки на 28. коло од Прва МФЛ;
ФК Воска Спорт АД се казнува со парична казна во износ од 5.000,00 евра поради слаба организација на натпреварот со ФК Вардар АД од 28. коло во Прва МФЛ;
Нефи Усеини – претседател на ФК Воска Спорт АД се казнува со забрана на вршење на функција во траење од 2 (две) години и парична казна во износ од 1.500,00 евра. Дисциплинската мерка е изречена поради наговарање, односно повикување за повлекување на екипата на ФК Воска Спорт АД на натпреварот против ФК Вардар АД од 28. коло во Прва МФЛ;
Тренерот на ФК Воска Спорт АД, Арбри Клодиан е казнет со 2 (две) години забрана за вршење функција, додека капитенот на ФК Воска Спорт АД, Агон Хани доби казна – забрана за настап 1 (еден) месец;
